WILLESMTAD – Awe mainta sentral di brantwer a risibí notifikashon ku na e edifisio banda di Flow den Saliña lo tin un kandela. Mesora brantwer a yega na e sitio i mester a kibra e glas pa por a drenta bai aden. A logra dominá esaki rápidamente sin a kousa muchu daño material. E promé indikashon ta ku ta trata aki di un korto sirkuito. Investigashon mas profundo lo determiná e kousa sigur.