WILLEMSTAD.- Miéntras di un banda Gobièrnu ta bringa pa doñonan di monumento tene esakinan den bon estado, tin un monumento ku ta kai bou di gobienru mes ku ta den estado di dekadensia. François van der Hoeven ta a mustra EXTRA riba e pòst di polis Kleine Berg.

Ta un warda di polis ku ta konosí pa e hendenna di banda Bou sigur. Ta un edifisio históriko ku segun nos informashonnan ta riba e lista di monumentonan di Kòrsou.

Doño di e edifisio aki parse ta gobièrnu mes. I p’esei e remarke di sr François van der Hoeven

eks miembro di e Monumentenraad ta kon gobièrnu mes ta eksihí pa doñonan sòru pa nan monumentonan pero e mes ta laga esaki para kaba na nada. Esun ku no mantené nan monumentonan gobienru ta tuma medida kontra di nan. Pero awor ta ken ta tuma medida kontra di gobièrnu mes, ta loke eks miembro di Monumentenraad sr Francois van der Hoeven ta puntra.

Por mira ku un parti di e dak di e post di polis ya a basha aden. Trabou di restorashon ainda por tuma lugá. Parse ku den pasado tabatin hende interesá pa kumpra e edifisio i restour’e pero gobièrnu no a tuma un desishon.