WILLEMSTAD.- Resientemente a kumpli 25 aña den servisio di Gobièrnu di Kòrsou sra.  mr. M. Tielman. Sra. Tielman a drenta den servisio di Gobièrnu Insular na aña 1994 komo ‘uitzendkracht’. Tabata e temporada ku Bestuurscollege di e tempu ei a tuma un desishon pa legalisá tur e Snackbar nan ku tabata lanta den tur bario i sin e pèrmit nesesario.

Sra. Tielman tabata esun ku e tempu ei a bin via uitzendbureau pa bin yuda sr. mr. N.V. Ribeiro ku e proyekto di legalisashon. Sra. Tielman a yuda asina bon ku Gobièrnu di e tempu ei a ofresé un servisio permanente.

Sr. mr. J. Larmonie ku a bira hefe di AJZ a mira e sistema kon sra. Tielman tabata traha, biniendo ku ideanan nobo pa e trabou por kana muchu mas fásil. El a konvensé sra. Tielman - ku tabatin ne momentu ei MBO nivo - pa sigui e nivel di HBO Legal Assistant i despues konvensé aun mas pe bai hasi e studio Universitario, kual el a terminá ku éksito na 2005 na Universidat di Antia Neerlandes.

Mester bisa ku sra. Tielman ta un ehèmpel di perseveransia pa nos hóbennan tambe. Mirando e echo ku sra. Tielman a kuminsá su karera eskolar na e nivel di E.T.A.O., siguí pa MBO, despues HBO i finalisá komo ‘meester in de rechten’ na Universidat.

...Riba e portrèt nos por mira sra. dr. S. van Rijn, Sekretario General di e Ministerio di Asuntunan General huntu ku e hubilario sra. mr. M. Tielman, Hurista na Wetgeving en Juridische Zaken (WJZ)...