WILLEMSTAD.- Awe djaluna 24 di yüni outoridatnan a detené eks direktor di Refineria di Kòrsou, Roderick van Kwartel. Tambe a detené un otro sospechoso den e kaso aki di inisial A.I.
E investigashon aki ta karga e nòmber ‘Lacerta’, i ta dirigí riba posibel aktonan di korupshon den e proseso di negoshashon pa yega na un partner stratégiko pa Refineria di Kòrsou (RdK). Gobièrnu di Kòrsou huntu ku e Hunta di Komisario di Rdk a hasi denunsia di posibel echonan kastigabel.
E sospecho ta ku e dos sospechosonan ku a keda detené a hasi nan mes kulpabel dor di pidi un suma grandi bou di mesa. Ta spera ku lo bai tin mas detenshon. Mas detaye den bo korant EXTRA.