WILLEMSTAD.- Korte di hustisia ta tratando na e momentunan aki djaweps traimèrdia, e ‘regiezitting’ di e kaso ku a bira konosí komo kaso Valencia. Ta trata e kaso kontra e hefe di Servisio di Atmishon sra. mr. Esther C. i tambe dos kolega kendenan ta respektivamente Lysandra L. i Heline T. Un di e personanan ku mester presentá komo testigu den e kaso aki ta èks minister di hustisia mr. Nelson Navarro.
Navarro den su periodo komo mandatario a nombra Esther C. komo hefe di Servisio di Atmishon.
Un ratu pasá wes a bai di akuerdo ku e petishon di defensa pa tende tur 8 testigu den e kaso aki. Abogado di sra. Esther C. kende ta mr. Sulvaran a pidi tambe pa hasi otro investigashonnan. Tin mashá hopi espektativa pa e kaso aki sigur tumando na konsiderashon un di e akusashonnan ku ta trata trafikashon humano. Keda pendiente pa tur detaye via plataformanan di EXTRA.