WILLEMSTAD.- Teener Parade a lusi na un nivel hopi haltu ayera. E muchanan a dediká tempu i atenshon na nan trahe. Un total di 21 grupo a kana for di Jan Noorduyweg te Rif ayera nochi. Te na momentu ku EXTRA a bai imprenta no tabatin nada partikular durante di e marcha pero si a laga tur hende ku smak di mira mas. Hopi kolo, hopi dekorashon i ku hopi zjeitu nos hóbennan a sòru pa un Teener Parade eksitoso.