Rhuggenaath: Esnan ku síntoma chek ku dòkter di kas

ULANDA.- Un ratu pasá gobièrnu ulandes a anunsiá medidanan nobo den e esfuersonan kontra pegamentu ku e Corona vírus. A pidi tur hende, rònt Ulanda, ku tin keho di nanishi ta kore, of ta nister, problema ku garganta i kentura pa nan keda kas. Ora nan síntomanan bira pió pa yama nan dòkter di kas. Ta prohibí tur evento públiko kaminda tin mas ku 100 persona.. hendenan rònt Ulanda ta haña rekomendashon pa traha na kas . evitá bishita na hende grandi i kas di hende grandi. Hende grandi evitá di bai den transporte públiko. Na esnan ku ta traha den sektor di kuido, keda kas te ora bo tin keho di keintura , i no bai den eksterior. E medidanan aki ta keda na vigor na Ulanda te 31 mart 2020. EXTRA a papia ku minister presidènt Rhuggenaath nèt prome ku 12’or di media i el rekomendá pa esnan ku tin síntoma evitá ku ta pega otro hende i chek ku dòkter di kas i numbernan di telefon ku gobièrnu a suministrá pa haña informashon. Mas detaye den edishon di EXTRA.