WILLEMSTAD - Defensa ta desplegá èkstra militar pa sostené Wardakosta den Region Karibe  ku vigilansia di kostanan marítimo. E militarnan ta ehersé opservashonnan èkstra na e kostanan. E despliegue èkstra aki ta nesesario pa rekonosé posibel yegadanan  na tera, di hendenan dokumentá na tempu.

E sosten ta keda hasí pa tantu forsanan militar di de baltaljon ‘Compagnie in de West’, komo pa Milisia di Kòrsou. Defensa a disidí pa hasi esaki, despues di un petishon pa yudansa di parti di outoridatnan di Kòrsou, pa sostené Wardakosta ku opservashonnan di kosta. E esfuerso èkstra ademas ta funshoná preventivamente kontra di kontrabanda i trafikashon ilegal di arma i droga.

E bataljon ‘CIDW; ta spesialisá tantu den opervashonnan mobil (den esaki nan ta move sea na pia òf den vehíkulo), ademas di den opservashonnan ‘státiko’, kaminda nan ta tene áreanan di atenshon  spesífiko bou di opservashon na un forma okulto. Sosten na e outoridatnan sivil ta un di e tres tareanan  mayor di Defensa den Region Karibe. Esaki ta sosedé na diferente forma, kuminsá ku yudansa den kalamidat na momentu di orkan, te na sosten di Kuerpo Polisial òf Wardakosta.