WILLEMSTAD.-E kompania lokal, e agensia funerario di mas trayektoria na Kòrsou esta El Tributo ta selebrá 80 aña di eksistensia awe 2 yanüari 2023. Ku nan slogan ‘despedí ku dignidat’ El Tributo ta sirbi e komunidat aki ku tur loke tin di aber ku entiero. EXTRA ta komprondé ku tin kosnan grandi na kaminda!

El Tributo a keda funda na 1944 pa Angel Nieuw, despues na 2005 e aktual propietario i direktor Haidel Haile a tuma rienda di e kompania i asina a trese kambionan grandi i meskos a introdusí inovashonnan den e sektor di agensia funerario. Servisio profeshonal di su trahadónan ta loke ta distinguí El Tributo. E sekreto tras di esaki ta invershon regular den kapasitashon di e empleadonan pa nan por brinda servisio profeshonal i ekselente na kada un kliente. Hostessnan ku ta asistí famia durante di entiero ta kalifiká pa duna asistensia den kaso di krísis òf promé ousilio durante entiero.

80 aña El Tributo, i ta sigui sirbi komunidat pa ‘despedí ku dignidat’.

Di parti EXTRA, pabien na El Tributo su gerensia i trahadónan.