WILLEMSTAD.- Komo un grupo dinámiko ku ta duna su aporte na Karnaval Hubenil, Paraiso Hubenil ta bai organisá Elekshon Reina, Prens i Pancho Hubenil.
Paraiso Hubenil e aña aki a bai ku e premio máksimo pa loke ta Prens i Pancho Hubenil pa Karnaval di Kòrsou, esaki a motivá pa organisá e elekshon i asina tin partisipantenan kla pa Elekshon Hubenil 2020.
Partisipante pa Prens i Pancho ta Earlyson Cafsia i Orlando Zimmerman. Pa Reina Hubenil tin 4 partisipante ku ta Achlien Sanchez Gomez, Arienne Dortalina, Tyshandrilleys Ignacio i Ariana Winterdaal.
Elekshon lo tuma lugá djasabra, 12 òktober próksimo, di 6’or pa 9’or anochi na Sentro di Bario Otrobanda. Entrada lo ta solamente 2,50 pa persona. Bar i kushina lo ta bon surti.
Riba e página di Facebook Paraiso Hubenil tin posibilidat pa vota pa bo faborito pa por gana e premio di Partisipante Internet. Durante di e anochi aki tambe lo hasi Show di Trahe pa Marcha Hubenil 2020. Bin apoyá i sostené boso partisipante faborito.

LAGA UN KOMENTARIO

Please enter your comment!
Please enter your name here