WILLEMSTAD –  Nos Ex Miss Kòrsou 2013, Eline de Pool a modelá durante e siman di 11 pa 16 di febrüari durante New York Fashion week. Un show di moda, kaminda diseñadonan renombrá tin e oportunidat pa ekshibí nan kolekshon nobo. Hopi ta e modelonan ku ta aspirá di forma parti di e famoso New York Fashion Week aki. Pa nos tabata un plaser di mira un yu di tera, eks Miss Kòrsou 2013, Eline de Pool modelando pa e diseñadó Kolombiano Edwing D’Angelo den su Emerge Fashion show den Leman Ballroom. Eline a keda aktivo den e mundu di modelahe i awor ku e ta residensia na New York ta risibí diferente invitashon pa por modelá pa kasnan di Moda internashonal. Banda di modelahe Eline ta aktivo tambe den e mundu di aktuashon, pa ta eksakto e mundu di sine, pues keda pendiente pa mir’e pronto riba pantaya grandi. Nos ta deseá Eline hopi éksito i sigui bria.