WILLEMSTAD.-Presidente Payo Schoop a risibí bishita di sorpresa di sra. Rozendal na su konsultorio komo médiko.

Rozendal a entrega su karta di retiro na Schoop komo presidente di e partido. Segun e lista di Konseho Supremo Elektoral esun ku ta sigui i ku lo por drenta Parlamento na lugá di Rozendal ta Yves ‘Payo’ Schoop.  Rozendal a haña 651 voto den último elekshon na 28 aprel 2017.

Un ratu pasá a drenta informashon ku e polítiko Elsa Rozendal, miembro di Parlamento, a kibra ku partido MAN. E informashon inisial ta indiká ku Rozendal lo no bai ku e asiento. Si esei ta asina ta nifiká ku gobièrnu lo no pèrdè sosten di mayoria, konsiderando ku ta un gobièrnu ku ta konta ku sosten mínimo di 11 asiento. Mas detaye den edishon di EXTRA.