WILLEMSTAD.- Elsa Rozendal, lider polítiko di Partido Democraat ta mas motivá ku nunka despues di eksperensiá, huntu ku otro kandidatonan riba lista, kon komunidat di Kòrsou ta reakshoná awe na e diferente urnanan. E lider di Partido Democraat a bai sostené e lista di e tolda kòrá na W.J. Schotborg School na Koraal Specht, i einan mes vários otro kandidato i simpatisadó di Partido Democraat tambe a sostené e lista kora. Despues di esei nan a sigui bai e otro urnanan rònt Kòrsou. 

Kòrsou danki pa boso sosten for di awor i esnan ku no a bai awe ainda tin mayan djadumingu tambe ku por sostené lista for di 8’or di mainta te 8’or di anochi.