WILLEMSTAD.- Despues di algun siman trabou intensivo di mantenshon ku a tuma lugá riba Emmabrug, por bisa ku ayera brùg ta bèk, p’asina e tráfiko di peaton entre di Punda i Otrobanda visevèrsa por kontinuá manera kustumbrá.

Manera ta konosí, a kita e brùg pa hasi trabounan di mantenshon i promé ku pone e brùg bèk mester a hasi algun trabou na e “kade” tambe pa esaki ta den bon kondishon.

Pa a hasi e trabou aki kompleto, a kita tambe e asina yamá “aanbrug”, esta e pida na parti di Punda.

E “aanbrug” a keda hibá e tayer di e kontratista Nederex i ayera despues ku e trabounan a keda kompletá a hiba e pida brùg bèk.

Ayera esaki a tuma lugá i asina Emmabrug pa hopi konosí komo “swinging lady” ta bèk.

...Emmabrug ta bèk...