WILLEMSTAD.- Awe a kumpli nèt 10 dia ku a detené R.L (57) di Banko Sentral pa su posibel embolbimentu den e kaso yamá Hercules. Un ratu pasá a laga R.L den libertat pendiente mas investigashon. Ministerio Públiko den esaki a informá EXTRA ku R.L ta keda sospechoso den e kaso Hercules.

Manera EXTRA a informá anteriormente dia 13 di mei último e Team Bestrijding Ondermijning (TBO) a detené R.L i a perkurá pa su enkarselashon. Anteriormente a tene un entrada hudisial na su kas unda a konfiská diferente kòmpiuter, telefon i otro ekiponan. E kaso Hercules ta trata skondementu di trafikashon di sumanan di plaka ku a pasa di un negoshi di paña pa medio di falsifikashon di dokumentunan. Mas detaye den edishon di EXTRA.