WILLEMSTAD.-  For di e momentu ku a dekretá e areglo di emergensia riba kompanianan di e grupo ENNIA, Banko Sentral di Kòrsou i Sint Maarten (CBCS) ta trahando na restrukturashon di ENNIA. Ta kanando e proseso di restrukturashon na interes di e aseguradonan di ENNIA tambe. Manera CBCS a informá na algun okashon, ENNIA ta keda kumpli ku su aktividatnan normal durante di e proseso di restrukturashon; aki por pensa riba pago di penshun i daño, tur ta sigui normal.

A base di publikashon resientemente den medionan di komunikashon, den kua ta sugerí ku ENNIA no tin obligashon di kumpli ku su obligashonnan, CBCS ta haña imperativo pa klarifiká esaki.

Ta bèrdat ku den kaso ku un areglo di emergensia ta na vigor, manera den e kaso di ENNIA aktualmente, por suspendé pagonan. Semper CBCS a informá ku e meta di e areglo di emergensia na ENNIA ta pa restablesé solvensia di e kompania. Un parti importante ta keda kontinuidat di e operashon normal. Mientras tantu ENNIA ta sigui kumpli ku pago di penshun. Pa mas detaye por lesa den EXTRA mayan mainta.