WILLEMSTAD – Awe den oranan tempran di mainta un batayon di outoridat konsistiendo di vários departamento manera entre otro esun di Anti Krímen Organisá di Kuerpo Polisial Kòrsou a bai na un kas  den Kaya Mata Siguaraya den e bario di Jandoret. Na e kas aki a logra hasi un detenshon i di un forma rápido a saka e persona for di e kas hink’e den den un outo i transporte pa Warda di Polis Rio Canario. Lokual por a nota si ta ku e persona no tabata di bui. Tambe por a nota ku na e entrada hudisial aki tabatin un gran kantidat di Koninklijke Marechaussee ku tabata na e sitio pa duna asistensia. Promé ku a sali bai na e kas tur esnan enbolbí den e entrada hudisial aki a topa riba e sitio di parker na Centrum Piskadera pa djei kua rumbo pa e kas di e sospechoso.