WILLEMSTAD.- Djárason 4 òktober 2017, alrededor di 06.00 or di mainta, personal di Reshèrshi konhuntamente ku Tim di Aresto, a tene un entrada hudisial den un kas na Buena Vista.
E entrada hudisial ta den kuadro di un investigashon penal ku ta andando relashoná ku kaso di ladronisia kometé dia 23 di Sèptèmber 2017.
E dia en kuestion e sospechosonan a kibra glas di un outo pará riba tereno di Zuikertuintje i a hòrtá artíkulonan for di den e outo.
Na e kas aki a detené dos (2) persona.
Ta trata di: E hòmber E.V.S. di 35 aña di edat i e dama I.A.B. di 33 aña di edat, ámbos nasé na Kòrsou.
A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.