ORANJESTAD.- Informashon for di Aruba ta indiká ku awe mainta outoridatnan hudisial a tene un entrada hudisial na kas di eks minister Benny Sevinger i tambe na kas di algun persona hopi yegá na e eks minister. Sevinger tabata minister den gabinete Eman na Aruba den e gobernashon anterior.

Segun informashonnan, ta asina ku outoridatnan a drenta kas di e eks minister buskando informashon i mas detaye riba supuesto kasonan di dunamentu di tereno. Tur eseinan lo mester a sosodé durante di e gobernashon ku partido AVP tabata na mando.

Polis ta indiká ku te ainda no a kai niun detenshon, pero si a konfiská dokumentunan ku por ta importante pa e investigashon.