WILLEMSTAD.- Informashon di último ora ta indiká ku tabatin un intento di atrako na un establesimentu situa den Scharloo. Menshon a keda hasí ku ta trata di un instansia finansiero, pero ainda no tin konfirmashon ofisial di esaki. Reportero di EXTRA ku tabata ubika den Punda a tuma nota di mobilisashon di vários patruya polisial direkshon di Scharloo. Tur kos ta indiká ku e atrakadonan a logra kore bai foi e sitio pero a keda persiguí pa un unidat militar. Na e momentonan aki e tim di aresto ta pendiente pa ehekutá un entrada hudisial den bario di St. Jago ku por kondusí na detenshon di e sospechosonan. Manera ku nos tin mas informashon lo suminstra esaki.