WILLEMSTAD.- Gerensia di prizòn ta informá ku entrante 7 di yüni 2021 lo bai habri bèk pa bishita. Esaki ta den kuadro di de-eskalashon di e medidanan ku tabata tin pa ku COVID-19. Bishitanan lo bai tuma lugá di djaluna pa djasabra entre 8 or di mainta pa 12 or di mèrdia i di 1 or di atardi pa 4 or di atardi, kada salta un siman.

Algun di e reglanan di bishita ta lo siguiente:

Ta permití solamente 1 persona di edat di 18+ pa kliente;

Mester presentá ku identifikashon bálido;

Vestuario adekuá (no ta permití slòf na pia, karson kòrtiku ni kibrá, ni kamisa manga kòrtiku);

Tapaboka obligatorio.

Skema di bishita:

Siman di 7 pa 12 di yüni djaluna ta blòk 7a, djamars blòk 5, djárason blòk 3/ku pèrmit di fiskal blòk 1, djaweps blòk 8a, djabièrnè blòk 2 i djasabra barak di hende muhé.

Siman di 14 pa 19 di yüni ta djaluna blòk 7b, djamars Foba/afzondering/ indokumentadonan, djárason blòk 4, djaweps blòk 8b, djabièrnè blòk 6 i djasabra barak di hende hòmber.