WILLEMSTAD - Maduro & Curiel’s Bank ta informá ku entrante djaluna 10 di yanüari 2022, solamente e Brènchan di MCB na Saliña, Sta. Maria i Rooi Catootje ta habrí pa públiko i esaki ku orario adaptá di djaluna pa djabièrnè di 8or di mainta pa 12or di mèrdia.

Por fabor tuma nota ku e 3 brènchnan akí ta habrí únikamente pa kliente ku tin sita pa fiansa, pa buska tarheta di krédito, tarheta di Bankomatiko, PIN òf e-Pass.

Por fabor tene kuenta ku servisio di Tèler (na bali) ta será te próksimo aviso.

Pa kualke informashon bankario ku bo por tin, representantenan di Contact Center ta disponibel di djaluna pa djabièrnè di 8or di mainta pa 6or di atardi pa asistí sea via telefòn òf Whatsapp na +5999 466 1111 òf di 8or di mainta pa 5:30 di atardi via LEO live chat disponibel riba nos wepsait (mcb-bank.com) òf via nos página di Facebook (MCB Curaçao).

“Nos ta sigui enkurashá tur kliente pa hasi uso di nos servisionan digital MCB Online i Mobile Banking, nos Bankomatikonan pa lanta i depositá plaka i nos servisio di 24/7 Deposit pa komersiante. Naturalmente nos ta pidi pa evitá uso di kèsh i hasi uso di bo tarheta di Bankomatiko pa chep, tèp òf swaip pa kompranan esensial. Ban sigui kuida nos mes i otronan.”