WILLEMSTAD.- Ministerio di Salubridat, Medio Ambiente i Naturalesa (GMN) awe ta anunsiá komienso di e kampaña di bakunashon (‘booster’) ku e bakuna di COVID-19 pa grupo di riesgo. E booster ta sosodé a base di un skema di edat (aña di nasementu) ku lo keda publiká regularmente.

Entrante mayan, 4 di yanüari tur persona di 75 aña òf mas por pasa pa risibí nan bakuna di COVID-19 (booster) na Servisio di Salú Públiko di Kòrsou, “Uitvoeringsorganisatie Geneeskunde & Gezondheidszaken” (UO G&GZ, ántes GGD) na e departamento di “Infectieziektebestrijding” (IZB) ku ta situá na Piscaderweg 49, Zakito.

Skema pa booster na UO G&GZ (ántes GGD):

Fecha: 4, 5, 8, 9 i 10 yanüari 2024

Orario: 08:00 pa 12:00 i di 13:30 pa 16:30

Grupo di edat: Personanan nasé na aña 1949 òf promé (“walk-in”)

Informashon adishonal

• 
  

• Periodo di tempu entre e último bakuna di COVID-19 i e booster aktual ta mínimo 3 luna.

• 
  

• Periodo di tempu entre un tèst positivo pa COVID-19 i e booster aktual ta mínimo 3 luna.

• 
  

• No tin di tene kuenta ku un periodo di tempu entre e ‘griepprik’ i e bakuna di COVID-19.

• 
  

Grupo di riesgo pa risibí bakuna (booster) di COVID-19:

-              Personanan di 60 aña of mas;

-              Personanan entre 18–59 aña, ku dor di nan dòkter di kas òf spesialista ta wòrdu konsehá pa tuma e bakuna kontra griep (Influenza);

-              Personanan entre 18–59 aña ku obesidad (BMI 40 òf mas haltu);

-              Personanan (kuminsando for di edat di 6 luna) ku ta mentalmente inkapasitá;

-              Personanan (kuminsando for di edat di 6 luna) ku riesgo médiko haltu, por ehèmpel ku un sistema immunológiko debilitá;

-              Trahadónan den kuido ku tin kontakto direkto ku pashènt;

-              Personanan den kas di kuido (lo bishitá e kasnan di kuido, manera usual).

Pa mas informashon di Salubridat,por yama na 432-2860, 514-2860 òf 515-2860 òf sigui nos riba nos Facebook page “Ministry of Health Curacao”,  i tambe GMN Social na Linkedin, Instagram, Tik Tok i X.