Ephrem J ku tremendo presentashon na Argentina

WILLEMSTAD.- Den wikènt ku ta tras di lomba Ephrem J tabatin un presentashon na Buenos Aires, Argentina.
Nos artista, a logra un biaha mas di kousa un impakto ku su presentashon kaminda el a presentá tur su  éksitonan.  Eksitonan manera ‘Una Copa’, ‘Mi Canción Perdida’, ‘Loca’, ‘Como una Oración’, ‘No Hay Imposibles’ i ‘Mía yo te Hare’ ta kansionnan masha gusta mes na e momentunan aki na Argentina.
Durante dje konsierto Ephrem J a risibí un rekonosementu di e organisadónan di e evento pa su éksitonan i su karisma pa ku e pueblo argentino ku ta fanátiko di dje.
Huntu ku Ephrem J a biaha pa Argentina e músikonan lokal, Chris Walle riba piano, Royston Hato riba perkushon i e biaha aki komo drùmer a biaha Pierre Lopez Balborda.
Ramon Martinez tabata e tékniko di zonido ku a pèrkurá pa e banda zona i laga e argentinonan keda papia di e kalidat di presentashon. Ban sigui sostené nos Ephrem J!.

SHARE

LEAVE A REPLY