Veredikto: Eric Garcia detené mes ora despues di sentensia di 4 aña

 WILLEMSTAD.- Un ratu pasa veredikto den e kaso ku e eks bankero Eric Garcia ta embolbí a kai. Korte a dikta un sentensia di 4 aña di prizon pa Garcia i tambe a ordená su detenshon mesora. Wes a haña Garcia kulpabel di labamentu di plaka i falsifikashon di dokumentu i tambe malversashon.

EXTRA por informá ku den e relato korte a tuma Garcia hopi na malu pa e echo ku el a hasi uso di su poder komo direktor di un banko i te ku awe no a mira niun pago bek di e 11 mion dòler ku el a malversá. Korte a tene kuenta ku su edat i tambe ku tin e posibilidat ku e por hui i p’esei a ordená su detenshon. Garcia a keda kabes abou den sala di korte despues un miembro di LBD a kompañ’é bai kuné. Mas detaye den edishon di EXTRA.

Eric Garcia sentensia na 4 aña di prizòn

Wes den Korte Promé Instantasia a kaba di sentensia eks direktor di Giro Bank, Eric Garcia na un kastigu di prison di 4 aña i a ordená su detenshon di forma inmediato. Mas informashon ta sigui