WILLEMSTAD.- E aviso ku a Sali awe mainta den EXTRA i tambe riba nos plataforma digital, pidiendo diskulpa na sra Ivy Piñalver, no tabata di EXTRA pero di famia mes.

E aviso ta papia di NOS pero e NOS ta referí na famia di defuntu Fecunda i no EXTRA. E famia a pone un krus dilanti di nòmber di sra Ivy Piñalver pero e señora no a fayesé.

E famia a pone e diskulpa den nos edishon di awe pero esaki a bira un diskushon ku palabranan di ofensa pisa den direkshon di EXTRA. Un biaha mas no tabata un eror di nos banda i no ta na nos pa splika dikon e famia a pone ku e persona konserní a fayesé siendo ku e no a fayesé. Ta keda na e famia pa atendé e asuntu internamente nan ku nan.

Tur e diskushonnan, palabranan ofensivo den nos direkshon, konklushonnan i hasimentu di chèrchè ta keda pa kada ken su responsabilidat. Grandinan lo bisa, miéntras e no ta bo famia, bo no ta sinti, pues laga e defuntu sosegá na pas.