WILLEMSTAD. - Resientemente Korte Superior a dikta fayo den un kaso kaminda ku un pareha ku tabata kasá, kada un bringa nan derecho, pa loke ta trata repartishon di vienes. Hopi biaha ora un pareha ta pone un fin nan nan laso matrimonial. Esei ta bai sin problema. E difikultat hopi biaha ta sinta despues di e divorsio, ora ta bai atendé repartishon di vienes i kosnan pa paga.

Den siman tras di lomba, Korte Superior a dikta fayo den un divorsio di aña 2012. Tur kos tin di aber kon i ken ta paga loke ku tin di paga. Tin un hipotek tambe ta pagando.

Den Korte di Promé Instansia e hues ta konkluí ku e señora mester paga e hòmber un suma di Nafl. 37.841,31 den e loke ku nan ta yama “overbedeling”.

E señora a apelá e veredikto aki pa motibu ku durante e proseso, pagonan tabata keda hasí i na opinion di e señora, korte no a tene kuenta ku pagonan hasí i mester a trese korekshon.

Durante e apelashon, partidonan tabata di akuerdo ku otro i no a keda e tribunal nada otro pa uni nan mes ku e loke ku e señora ta di opinion ku e mester paga. Esei a yega na un suma di Nafl. 29.180,99.

Ku esaki e proseso largu a yega na un fin.