WILLEMSTAD.- Establesimentunan di horeca den Nieuwestraat ta kumpliendo hopi bon ku e aspekto di higiena, i mester ta un ehèmpel pa otronan. Esaki ta loke ku e Tim Multidisiplinario a konstatá ayera nochi ora nan a drenta e kaya aki a kontrolá tur establesimentu. Solamente un (1) a sera su portanan pasobra e tabata a-higiéniko. E Tim Multidisiplinario ta forma pa Inspekshon di Ekonómiko, Duana, GMN/THZ, SBAB i
SVB.

Sr. Ronny Cornelis di Inspekshon di MEO a splika EXTRA a indiká ku e Tim a splika na diferente okashon i a manda atvertensia ku nan ta kontrolá tur kaminda, tur área i ku e kontròlnan a keda intensifiká. Aparte ku ta chèk dokumentonan di e establesimentunan di Horeca, algu masha esensial ku ta kontrolá ta riba higiena.

Ayera durante kontròl den Nieuwestraat i loke a eksperensiá ta ku e hulandesnan ta den kumplimentu. Por mira e resultado ayera ku ta un (1) establesimentu so a keda será pe parti a-higiéniko, i tur sobrá ta kumpli nèchi. Solamente pa asuntu di papeleo algun tabata den inkumplimentu.

A kontrolá 8 lokalidat, di kual 4 tur kos tabata na òrdu, 3 a risibí atvertensia, i a sera 1 establesimentu pa higiena.

Dutch Treat, Mr Porter, Restaurant Mi Familia, Midtown Container Bar na De Ruyterkade tur kos tabata na òrdu.

Bravo Kitchen & Bar, Mundu Bizzaro, i Ginger Carib Asian Cuisine a haña atvertensia pa regla pèrmit di duana, i no tabatin e pèrmitnan den e establesimentu.
Sinembargo na Tiki Loko Den Nieuwestraat, a topa situashon a-higiéniko pa kual mester a sera e establesimentu.