WILLEMSTAD./SUISA. - Na inisio di e di sinku Foro Global di Nikotina ku a tuma lugá luna pasá na Warsaw, Polonia un di e produktornan di mas grandi di tabako na mundu, e kompania Philip Morris International a revelá nan resultado klíniko mas resien di nan produkto liber di huma ku ta IQOS.

...Riba e kombinashon di foto por mira e sentro di siensia di PMI na Neuchâtel, Suisa...

Ta trata di  e produkto mas avansá hamas ku PMI a produsí. E estudio yamá ‘The Exposure Response Study’ (ERS) a revelá resultado biológiko di e personanan ku a kambia pa IQOS.

E resultadonan klíniko aki ta positivo i por bisa ku e estudio a kumpli ku su ophetivo prinsipal, esta pa demostrá ku despues ku e personanan a kambia pa IQOS durante 6 luna, mester indiká ku e resultado biológiko ku e personanan ku a kontinuá ku humamentu tradishonal ta signifikante.

Durante di mas di 7 aña e programa di evaluashon sientífiko di PMI a proba ku ora kambia pa produkto avansá liber di huma, e grupo en kuestion ta konfrontá ménos riesgo ku esunnan ku sigui huma sigaria tradishonal. E kantidat konsiderabel di midimentu di kímiko i físiko ta demonstrá ku e ‘aerosol’ di IQOS tin un promedio di 90 pa 95% mas abou di komponentenan dañino.

‘E resultadonan di e investigashonnan ta hopi alentador i ku tur probabilidat e estudionan riba IQOS ta e promé estudio den historia di e magnitut aki, esta pa evaluá den un forma direkto e potensia den redukshon di riesgo serka e hendenan ku a disidí di kambia pa un produkto liber di huma. Tur loke ku e kompania ta eksperensiando inkluso e resultadonan nobo aki, ta sigui mustra den e direkshon di redukshon di riesgo’, asina Frank Luedicke, Direktor Médiko Global di PMI na duna di konosé. E direktor a sigui bisa ku nan lo kompartí e resultadonan aki ku e mundu sientífiko den e múltiple konferenshanan ku lo bai tin den e próksimo lunanan i nan ta spera di haña reakshon.

Luna pasá PMI  a entregá e resultadonan aki na outoridatnan di FDA di Merka pa añadí e resultadonan aki na e amplio konhunto di evidensia ku ya a keda entregá kaba pendiente nan petishon pa haña outorisashon  di IQOS komo un produkto di tabako di riesgo modifiká. FDA ta revisando ainda e petishon pa produkto di modifiká komo e petishon pa komersialisashon. E prosesonan aki ainda ta andando.