DEN HAAG.-Informashon for di Ulanda ta indiká ku awe mainta outoridatnan mester a tuma desishon pa evakuá un parti di e edifisio di Parlamento ulandes, Tweede Kamer, pero esaki a konta tambe pa bibiendanan i negoshinan den e área ei. E promé informashonnan ta indiká ku den oranan di mainta tempran polis a haña un yamada den kua a informa ku lo mester tin holó di gas. Outoridatnan no a basilá i a bai kontrolá na e área mesora. A resultá ku di bèrdat tabatin un lèk di gas ku a keda deskubrí.

Prinsipalmente bomberonan tabata enkargá ku e kaso aki. A tuma kontakto ku e instansianan konserní ku a kuminsá ku trabounan di kobamentu pa yega na e parti unda gas ta lèk. Lèkmentu di gas por bira algu hopi serio i sigur den un siudat grandi manera Den Haag unda tin no solamente e ofisinanan di gobièrnu pero tambe tin bibiendanan i negoshinan ku multitut grandi di hende ta move den e áreanan ei.

LAGA UN KOMENTARIO

Please enter your comment!
Please enter your name here