WILLEMSTAD.- Orco Bank i Select Automotive a uni forsa resientemente pa organisá un evento sumamente eksitoso, ku a laga e invitadonan inspirá i emoshoná pa e futuro di e industria di outomóbil na e isla di Kòrsou.

E evento di dia 20 di òktober 2023, a mustra e trabou dinámiko entre Orco Bank i Select Automotive, ofresiendo un eksperensia inolvidabel pa esnan ku a forma parti di e anochi aki. E invitadonan tabatin e posibilidat pa eksperensiá e último teknologia a medio di “test drive” ku tabata sumamente emoshonante i a duna un toke di entusiasmo na e evento!

Loke ta hasi e evento aki unu remarkabel tabata e anunsio di ofertanan speshal pa tempu limitá. E oferta eksklusivo aki ta duna un oportunidat úniko pa esnan ku ta deseá bai kas ku e outo di nan soño di e markanan renombrá aki.

"Nos ta hopi kontentu ku e éksito di e evento aki i e reakshon positivo di nos invitadonan," Giselle Goilo, Interim Manager Retail na Orco Bank, a komentá. "Nos koperashon ku Select Automotive a resultá realmente remarkabel, i nos ta emoshoná pa amplia un eksperensia eksepshonal na nos klientenan for di awe i sigui kuné nan biahe finansiero ku Orco Bank."

E evento di Orco Bank i Select Automotive tabata un selebrashon di inovashon, kooperashon, i un bista den e futuro elektrisante di e industria di outomóbil. Keda pendiente pa mas desaroyonan den e lunanan bini!

Pa mas informashon tokante Orco Bank, por bishitá nan wèpsait na https://www.orcobank.com/.