WILLEMSTAD.- Mas i mas outomobilista ta haña but debí ku nan no ta kumpli ku lei i pega e plachi di number riba nan bùmper dilanti di vehíkulo. Kuerpo polisial i Ministerio Públiko ta hala atenshon di outomobilistanan pa kumpli ku e regla aki. E lei (Wegenverkeersverordening) ta papia palabra kla, esta ku e plachi di number mester ta pegá na e parti dilanti meimei di e outo. No den outo patras di winshil.
Pa kumpli ku e lei e outomobilista mester buska e manera pa asina por pega e plachi number riba e bùmper dilanti di e vehíkulo. Kuerpo polisial i Ministerio Públiko ta rekomendá tur outomobilista pa no pone e plachi di number tras di winshil, pero riba e bùmper dilanti di e vehíkulo.Próksimamente ta start ku kontròlnan mas dirigí. Evitá un but (75 florin) i molèster i pega e plachi di number na e lugá indiká!