WILLEMSTAD. - EXTRA ta habri aña dunando bèk atrobe na komunidat i regalando otro fiel lektor un premio gordo. Ayera EXTRA a hasí entrega di premio na e ganadó di e kampaña Gana ku EXTRA. E felis ganadó Sr. R.F. Richards ku a yena e number korekto ku a sali komo promé premio na Wega di Number Kòrsou dia 4 di yanüari 2022. Ta trata di e number 1894 i e premio ta 4.100 florin. E felis ganadó a risibí su premio for di man di nos kolega Sin Paulina.