Estreno ta djaweps awor!

WILLEMSTAD.- Djaweps awor, 5 di novèmber 2020, korant EXTRA ta estrená e show di podcast ‘Louie Louie Talks’.

Luis Curiel, produktor i presentadó, despues di ta kana algun luna ku e idea pa kuminsá un podcast lokal, ku e meta pa presentá temanan aktual i kompartí esaki ku siguidónan di korant EXTRA su plataforma digital i pueblo en general, ta uni ku GPRM Studios pa dje forma ei produsí ‘Louie Louie Talks’.

Tur siman lo tin un invitado ku kende Luis lo atendé temanan aktual.

‘Louie Louie Talks’ lo keda transmití tur djaweps pa 7 or di anochi riba e plataforma digital di korant EXTRA, www.extra.cw; Facebook: extracuracao i tambe riba e kanal di YouTube di extracuracao.

GPRM Studios

GPRM Studios ta ofresé e fasilidatnan tékniko di kalidat haltu pa produkshon di programanan riba plataforma digital. E studio ta e proyekto mas nobo di GPRM (GR8 PR & Marketing) loke ta sinónimo di kalidat. GPRM Studios ta spesialisá den social media broadcasting. Ku un tim dinámiko nan ta hasi deseo di kada produktor bira realidat.

EXTRA

Korant EXTRA a keda fundá dia 1e di mart 1976 ku e meta prinsipal pa trese informashon alkaso, ophetivo, verifiká i sin sensashon negativo. Edukashon di nos pueblo ta hopi haltu den e prioridatnan di EXTRA.

Extra Productions N.V. su plataforma digital ku ta konsistí di su wèpsait www.extra.cw ta surpasá mas ku 2 mion ‘pageviews’ pa luna; e página di facebook di ExtraCuracao tin kasi 70 mil followers i su kanal di YouTube tin 11 mil miembro.

Djaweps awor, 5 di novèmber 2020, pa 7 or di anochi estreno di ‘Louie Louie Talks’.