WILLEMSTAD.- Bo korant faborito Extra aktualmente tin kuater kampaña andando pa su fiel lesadónan. Kampaña kaminda e lesadó por gana premionan fabuloso. Pues kumprando bo korant, keda bon informá, bo tin chèns di gana ku Extra.
Un di e promé kampañanan ku ta dura henter aña t’esun di “Gana hopi plaka kèsh ku Extra”. Aki mester yena e number ku bo ta kere ta sali na wega di number Kòrsou. Ku un tiki suerte Extra ta regalá bo un bon suma di sèn ku si no tin ganadó, tur dia ta oumentá.
Tambe nos tin e tradishonal kampaña di “Pensa i Gana”. Kumpra bo korant tur dia, i djasabra tin di yena den e página mei mei, e partinan ku falta den avisonan. E avisonan ta sali tur dia den korant. E kampaña aki ta terminá na luna di Mart, kaminda Extra ta repartí NAf. 10.000 entre 7 ganadó.
E di tres kampaña ta terminá awe 26 febrüari, dia di Festival di Tumba. Yenando e kampaña “Ken ta bira Rei òf Reina di Tumba 2024” bo ta gana un “pakete” kompleto i grandi pa bai wak marchanan di karnaval pa 10 persona. E pakete ta inkluí karni pa grill, biña, serbes, wiski, limonada, djus, ko’i pasa boka etc. Pues hopi kos pa bo selebrá nos dushi karnaval 2024. Te awe 7 or por depositá formulario di Tumba den nos buzon na Extra. Djaluna lo anunsiá e ganadó. E último kampaña t’esun di “San Valentino” ku ta terminá 14 febrüari pa 12 or di mèrdia. Aki tambe por gana masha tantu premio. Djis yena e formulario tira den buzon na Extra i bo Dia di San Valentino ta kla.... “Extra Love for you”. Ta saka e ganadónan 14 febrüari pa 2 or di mèrdia “live” riba nos plataformanan digital. Pues bo korant tin hopi mas balor, banda di nos tremendo notisianan. Kòrda wak e reglanan di partisipashon di kada kampaña, i kumpli ku tur rekisito ku ta pidi. Finalmente Extra ta gradisí i yama danki na tur su spònsernan ku ta partisipá den nos kampañanan. Suerte na nos fiel lesadónan.