WILLEMSTAD.- EZ AIR su avion mas nobo Saab 340b a yega kòrsou ayera tardi. E avion a sali for di airopuerto di Orlando i a yega Kòrsou ku un ‘fuel stop’ na Providenciales.

Manera ya ta konosí kaba EZ-air ta bai amplia su flota di avion. EZ-air a kumpra 2 avion tipo SAAB ku ta karga mas ku 30 pasahero.

Ayera e promé avion tipo SAAB 340B a yega Kòrsou. E buelo aki a sali Orlando pasa na Providenciales pa ‘fuel’ i despues sigui pa Kòrsou. E pilot nan abordo pa trese e SAAB aki ta Timothy Vaseur i Jose Zambrano, tur dos Boneriano.

Esaki ta un stap grandi pa e kompania EZ-air ku ya kaba a amplia nan ruta nan, awó bulando pa Barranquilla tambe. Den futuro ta wak si ta bai amplia pa ruta nan nobo.