WILLEMSTAD.- Dia 13 novèmber e kareda pa mountainbike Kärcher Coral Estate Classic a tuma lugá. Ganadó di e kareda ta siklista hulandes I kampeon oropeo Fabio Jakobsen. Mas ku dos aña pasa Jakobsen tabatin un aksidente di siklismo kasi fatal. Despues di un periodo largu di revalidashon Jakobsen a rekuperá pa yüli último e tabatin ganadó di un etapa di Tour de France. Den luna di ougùstùs último Jakobsen a gana kampeonato di kareda di kaya Oropeo. Awor e ta na Kòrsou.

Hopi siklista a partisipá na e kareda. Un di e siklistanan mas prominente ta minister-presidente di Kòrsou, Gilmar ‘Pik’ Pisas. El a partisipá den e kategoria di Prinsipiante (‘Beginners) i a finalisá komo number 11. Pisas tabata hopi felis ku su partisipashon na e kareda. El a bisa ku durante e kareda el a disfrutá e bunita naturalesa di Banda’Bou.