WILLEMSTAD.- Djasabra último Faysuri's Nails Academy a entregá 15 diploma na e studiantenan ku a sigui e diferente kurso nan ku e akademia aki ta ofresé. E grupo di mas grandi ta esun di “Nails Technician”, kaminda ku 9 persona a risibí diploma despues di a siguí e kurso di 10 luna. E demas studiante nan a risibí diploma di entre otro: “manicurist technician, artificial nails technician” etcetera. Tambe tin ku hasi menshon ku den e grupo aki tabatin un kabayero i esaki a risibí su diploma pa e kurso di “artificial nails technician”. Durante di e seremonia por a tuma nota di representante di ministerio di enseñansa, siensia, kultura i deporte ku tambe a hasi akto di presensiá mirando ku Faysuri's Nails Academy ta e úniko akademia aki na Kòrsou ku a risibí lisensia relashona ku tur loke ta trata kuido di man i pia. Faysuri's Nails Academy ta habri pa tur persona ku ke sigui kurso di hasimentu di uñá i kuido di man i pia. E kursonan no ta mará na edat pues tur persona ta bon bini.