WILLEMSTAD.- Riba tur promé djasabra di luna AKV ta organisá feria di produktonan lokal. Produktornan ta eksponé i bende nan berdura, fruta pero tambe palunan, produktonan traha lokal, yerbanan lokal i hopi mas. E bia aki den e feria di AKV tabatin tambe eksposishon di galiñanan di rasa presentá pa e organisashon Asoavi. Nos a tuma nota di kantidat di galiña di rasa i e organisashon a sòru pa un charla kaminda a siña esnan presente kon ta kria e galiñanan aki na kas. Algu sumamente interesante. Riba e kombinashon di fotonan parti di e feria organisá djasabra pasá.