Sostené i konosé mas di nos artistanan den

WILLEMSTAD.- Dia 30 di ougùstùs awor lo tin un festival multidisiplinario Caribbean Day 2025 na Teater Zuidplein na Rotterdam. Un evento kaminda por konosé mas di nos kultura afro karibense i tambe artistanan.

Remses Rafaela “Muisje Muis “ den entrevista ku EXTRA Ulanda a duna un splikashon di kiko por spera riba e dia aki. Dia 30 di ougùstùs lo ta e di dos edishon Caribbean Day. E aña aki tin edishon di zomer den teater di Zuidplein. Den e  festival e focus riba kon nos ekspreshon kultural ta i nos por profeshonalismo. “E focus ku e hende ta bin pa chèk e parti artístiko di nos ekspreshon kultural i kon por hasié mas grandi. Lo tin workshop di diferente elemento di nos kultura afro karibense, tayernan di afro latin, seú, tambú, ‘bobbeling’, bataya di baile, ekspresá bo mes, Kamer Consert i tambe lo tin empresarionan durante henter dia presente kaminda por wak nan produktonan”.

Mas aleu lo tin komementu, diferente stènt, hende lo duna guia empresarial. Ta un dia grandi I un skina pa mucha. Na final di e anochi lo Muis lo presentá su albùm. El a splika ku despues di 10 aña e lo saka muzik atrobe. E evento ta pa un i tur. Loke Muis ke pa tur hende por wak e artista no komo esun di karnaval so òf di fiesta pero den teater tambe i pa eksperimentá na otro manera ku nos elementonan kultural.

Entrada e dia aki ta kompletamente grátis. Riba nan wepsait sinembargo tin posibilidat pa esun ku ke hasi un donashon, por hasié di 5 te 25 euro. I asina ta sostené e artista. Tambe si tin hende ke bin ku nan yu pa e tambe ta interesá den e kultura i muzik aki, e posibilidat ei tambe tei. I p’esei lo tin presentashon di Passion en Skillz tambe riba e dia aki.