WILLEMSTAD.- Durante kontròl ku e tim multidisiplinario tabata ehersé ayera nochi, nan a haña tep di un fiesta basta grandi kual tabata na e marina na Piscadera.

Na nan yegada for di pafó tabata tende bochincha. Ora a drenta paden a haña un grupo di mas ku 100 hende den e kurá sintá ta bebe, sin tapa boka i lógikamente tur riba kaya despues di Toke de Keda.

Minister di Hustisia Quincy Girigorie kual tambe tabata presente a eksperensiá tur kos a indiká ku e grupo ta hopi grandi pa bai duna tur hende but unu pa un. Loke si a hasi ta kontrolá tur outomobilista promé ku nan a sali e kurá.

Minister di Hustisia a indiká ku ayera kos a bai asina. Pero si un situashon manera esaki ripití. Lo no duda pa parti but pa tur hende presente. Esun ku tabata responsabel pa e establesimentu kaminda e fiesta tabata, si a haña un but.

E situashon aki tabata unu hopi lamentabel. Hendenan sin eskrúpulo ta aktua di forma iresponsabel sin pensa riba e konsekuensianan.