WILLEMSTAD.- Esnan ku a pasa den área di Rio Canario awe por a mira fila largu di motersaikel, bròmer i otro vehíkulonan riba dos wil. Segun un partisipashon di ministerio di Tráfiko, Transporte i Planifikashon Urbano (VVRP), awe djarason lo ta e último dia pa doñonan di e vehíkulonan aki laga verifiká e number di VIN di nan motosaikel(MF) y bròmer (BF) na warda di polis Rio Canario. Solamente ku awe djarason ta 10 di yüli i no 11 pues ta spera ku tur hende a tene kuenta ku esei.

Den kuadro di halsa seguridat a kuminsá ku kontròl di number di VIN di tur motosaikel i tambe bròmer. Abreviashon di VIN ta ‘Vehicle Identification Number’ na ingles òf ‘Voertuig IdentificatieNummer’ na hulandes.

Servisio pa Transporte Públiko ta konsehá tur doño di motosaikel i bròmer pa saka un potrèt di e number di VIN i number di e motor. Tambe ta hasi un petishon pa informá e inspektornan na momento di e verifikashon di e motosaikel i bròmer si e kolo original di e motosaikel i /òf bròmer a ser kambia di kolo.

fotonan archivo

Esaki ta pa kanalisá i yuda e proseso di verifikashon di e number di VIN di e motosaikel i bròmer kana mas lihé. Si e vehíkulo di dos wil, motosaikel òf bròmer no ta kore, ta duna e opshon pa bin ku e vehíkulo aki den baki di un pikòp.

Despues di djárason, 11 di yüli 2019, no tin mas chèns pa verifiká number di VIN di motosaikel i bròmer na warda di polis Rio Canario. No ta bai kùr motosaikel (MF) i/òf bròmer (BF) ku tin un number di VIN ku nota original di fábrika.