Pa asesinato di 3 hende muhé: Kondená na aña 2000 pa asesinato di tres hende muhé

WILLEMSTAD.- Na aña 2010, e kondenado na bida largu Romero Canword a pidi su “dossier” pa e sa kiko di bèrdat a pasa ku su kaso i ku si en bèrdat su kaso a yega Korte di Kasashon.

Na 2010, Canword tabatin 10 aña será den prizòn, kondená pa asesinato di tres hende muhé, dos ku el a atmití kulpabilidat i un di tres ku nunka el a atmití, pero ku Ministerio Públiko ta konvensí ku e ta kulpabel den e víktima en kuestion su morto.

Pues e tempu pa revishon konforme lei di Kódigo Penal, a yega pa revisá e kastigu di Romero pa sa si ainda despues di 20 aña e kastigu imponé di bida largu tin sentido.

Promé ku yega dje leu aki, e tribunal lo laga investigá vários aspekto, pa sa kiko ta e mihó desishon.

Si te na ora e logra su libertat kondishonal, e tin di kumpli ku un seri di kondishon ku lei ta stipulá.

Si korte no bai di akuerdo kada 5 aña lo revisá su kastigu di bida largu.

E sla na aña 2000 dia ku el a keda kondená na bida largu tabata duru, pa motibu ku den Korte Penal di Promé Instansia a kondená Romero na 15 aña, pero den apelashon, el a haña bida largu.

Awor aki Romero tin chèns pa mustra si en bèrdat e lo por drenta den komunidat.