WILLEMSTAD.- Durante tratamentu di un kaso den korte, awe djabièrnè 7 di desèmber 2018, fiskal di Ministerio Públiko a hasi un demanda di 24 luna di prizòn i tambe 4 aña ku e akusado no por ehersé su trabou mas un but di 10.000 florin. Ta trata di e kaso ku a bira konosí komo “Football”, kaminda e akusado ta un polis. E akusashon kontra di e polis ta poseshon di 19 kilo di mariwana i tambe munishon ku a haña dia 10 di yüni 2018 den un kònteiner riba tereno di su kas na Silberie, Banda Bou.

E investigashon di e kaso "Footbal" a keda ehekutá pa Landsrecherche di Kòrsou. Veredikto den e kaso aki ta 19 di desèmber 2018 pa 13:30 or.