WILLEMSTAD.-  Yves Cooper durante tratamentu di e kaso di kual el a keda atraká i maltratá dia 26 di mei último dilanti su kas, a lanta para i splika hues ku korte mester manda un palabra kla pa komunidat ku korte tin e doló di e víktimanan na pechu.

I tambe Cooper a bisa wes ku mester mustra komunidat ku korte ta tuma e malechornan na malu dor di laga nan paga un suma di 50 mil florin na daño perhuisio i si nan no por paga, meskos ku ora haña but mester paga 25 florin pa kada dia, laga nan paga di e forma ei tambe keda sera pa kada dia ku nan no por paga.

E akusado O . Mercelina (56) ta ninga di a agredí Yves ku e printer i a bisa ku el a bringa solamente kuné sin agredié malamente manera e ta keda akusá di dje.

Yves a bisa ku te ainda e tin leshon , tin doló di kabes i asta ta urina su paña tin bia debí di e leshonnan ku el a sufri na parti abou di su kurpa.

E akusado a bisa ku e no tin problema pa pidi e víktima sòri.

Fiskal a hasi un demanda di 36 luna pa e akusado. Hues lo sera e kaso dia 2 di ougùstùs i riba e dia ei lo duna e fecha pa e sentensia.