WILLEMSTAD.- No Limit Soldiers (NLS) semper a ser deskribi I identifika komo un organisashon criminal, I tin hopi prueba di esaki. Miembronan di NLS tabata identifika nan mes di diferente forma I nan tabata okupa nan mes ku aktividatnan kriminal. Asina fiskal mr. Steen a trese dilanti un ratu pasa na komienso di e rekisitorio di Ministerio Publiko. Segun mr. Steen, Urvin “Nuto” Wawoe ta pretende ku NLS ta un abreviashon di un kas diskero, pero nada di esei ta berdat. Echo ta ku NLS tin Nuto i Yyson Quant komo kabesantenan i nan ta likida tur hende ku nan ta konsidera komo menasa of ku a komete algu kontra nan. Na komienso di e rekisitorio di awe mainta Ministerio Publiko a presenta kombersashonnan di diferente supuesto miembronan di NLS pa proba loke e ta bisa. Echo ta ku NLS tin miembronan na Korsou, na St. Maarten, Hulanda, Sto. Domingo i Brasil komo parti di e organisashon. Hopi dje preparashonnan, trafikashon i likidashonnan tabata ser hasi riba orden di Nuto. Nuto mes nunka a identifika NLS komo kas diskero, maske e tabata aktivo tambe komo ‘rapper’.