WILLEMSTAD.- Djabièrnè 18 di novèmber último, McDonald’s a selebrá McHappy Day den kasi henter e region di Latino Amérika i Karibe, ku a inkluí Kòrsou a eksperensiá un dia spesial. McHappy Day 2016 a marka un rekòr nobo di 5,596 Big Mac i 107,204 man ku a wòrdu bendí, pa un gran total di Nafl. 144,176.00 na benefisio di Ronald McDonald House Charities Curaçao Foundation. “Na Ronald McDonald House Charities, nos ta hopi gradesido pa ku e kompromiso ku McDonald’s tin ku e kousa. Tambe nos kier a yama danki na tur e skolnan ku a partisipá, entre otro Römerschool, Marnix College, Vigdis Jonckheer Mensing College, i tur spònsernan espesialmente MCB i Stichting Johannes Don Bosco i tur nos boluntarionan ku a duna nan aporte na e programa di McHappy Day.  Tambe nos kier a yama un danki na EY, Brakkeput mei-mei i Kunuku Aqua Resort pa a premia nos muchanan ku a destaká ku benta di manitos ku un ekskurshon. “Last but not least” danki na Dolce Band, Hype i Massive Productions. E aña aki tur e fondo rekoudá lo yuda RMHC kual lo por sigui yuda 6,500 mucha i famianan na Kòrsou pa medio di e programa, kual ta inkluí McDonald Family Room na SEHOS” asina Rolando Galarraga, Vise Presidente di Fundashon Ronald McDonald House Charities Curaçao a deklará.

Durante e dia tabatin vários aktividatnan na tur McDonald’s na Kòrsou inkluyendo un tour di Ronald McDonald, pintamentu di kara, artistanan i festividatnan. “Na Arcos Dorados ta traha man ku man ku komunidat kaminda nos ta operá. Nos ta hopi gradesido na nos empleadonan, boluntarionan, i tambe kontribushon di  komunidat den e éksito di nos McHappy Day 2016, kaminda tur a kontribuí na bienestar di nos muchanan y famianan aki na Kòrsou”, asina Jennifer Poulina, Operation Supervisor di Arcos Dorados Kòrsou a bisa.

Aña pasa, McHappy Day na Kòrsou a bende 4,631 Big Mac pa obra di karidat, un total di Nafl. Di 92.577 a wòrdu duna na RMHC Foundation. E kontribushon aki a aportá na e operashon di Ronald McDonald Family Room na SEHOS, yudando mas famia pa nan por ta huntu durante di temporadanan difísil y pa bienestar y salú di nan yu. Aktualmente McHappy Day a tuma lugá na, Aruba, Puerto Rico, Martinique, Guadaloupe, USVI i otro pais nan den Latino Amérika e aña aki, di kual fondonan rekoudá bai pa Ronald McDonald House Charities i otro instansianan “non-profit”. Pa mas informashon bishitá nos website www.mcdonaldsdwi.com òf nos página di facebook McDonald’s Curacao & Aruba. Pa mas informashon tokante RMHC bishita www.rmhc-curacao.org/curacao/en/.