na klientenan

 WILLEMSTAD.- Fortuna ta orguyoso di yama bon biní na Z Air komo su komersiante partisipante di mas nobo, ku a lansa ofisialmente riba 18 di mei 2026.

Ku e kolaborashon nobo aki, klientenan awor por spar Fortuna Points ora nan kumpra nan pasashi na ofisinanan di Z Air. Ademas, miembronan di Fortuna lo tin e oportunidat pa troka Fortuna Points tambe na Z Air, kual lo hasi kada biahe mas benefisioso.

Konosí pa konektá Kòrsou ku diferente destinashon den Karibe i Colombia, Z Air ta sigui ekspandé su servisio miéntras ku e ta ofresé mas balor na su klientenan pa medio di e kolaborashon aki ku Fortuna.

“Nos ta hopi kontentu di por kolaborá ku Z Air i duna mas balor na nos miembronan,” asina Shima Jimenez, marketing manager di Fortuna a bisa. Ku e ‘partnership’ aki nos ta kombiná biahe i rekompensa pa krea benefishinan pa nos fiel klientenan.”

E aliansa aki ta marka un otro paso importante den e mishon di Fortuna pa sigui amplia e benefishinan pa su miembronan, miéntras ku e ta sostené kompanianan lokal i regional.

Miembronan di Fortuna por simplemente skèn nan karchi òf e app di Fortuna ora nan kumpra nan pasashi na ofisinanan di Z Air pa kuminsá akumulá Fortuna Points, ku nan por troka despues na Z air i diferente komersiante di Fortuna na Kòrsou i Boneiru.

Pa mas informashon tokante Fortuna i su komersiantenan partisipante, sigui Fortuna riba “social media”.