WILLEMSTAD.- Funshonarionan di MEO últimamente a ripara ku tin un “free for all”ku orario ku trùknan mester habri.

A konstatá ku trùknan di pan ta kuminsá habri for di 7or di anochi siendo ku nan orario pa habri ta 9or di anochi. A yega asina leu ku ta asta traha skema di trabou kuminsando for di 7or.

Segun funshonarionan di MEO, esaki ta inaseptabel kontra di esnan ku si ta kumpli manera mester ta. Djamars último a sera algun di e trùknan di pan ku a habri promé ku nan orario i a duna nan un atvertensia.

Siguiente biaha ku konstatá esaki un biaha mas nan lo mester sera pa 1 siman.