WILLEMSTAD – Bosero di Ministerio Públiko, Norman Serphos, a informá awe mainta ku Team di Aresto di polis (Arrestatieteam) di KPC a detené awe trempan e hòmber Ramfis "Ronchi" Rietwijk. E detenshon a tuma lugá riba òrdu di Ministerio Públiko relashoná ku un petishon di ekstradishon dor di Estádos Unídos. Den e kaso aki di ekstradishon tin ya kaba 2 persona detené, nan ta Koeiman i Felicia. Tabata falta R.R. ainda ku awe mainta trempan a keda detené den un kas den área di Jan Noorduynweg. Nan ekstradishon ta relashoná ku eksportashon di droga pa Merka. Den EXTRA di mayan lo tin mas detayes.